Rajab Tayyab ardogan! Tere hausley ko Salam:
Sajid Mahemood Sheikh
Mukarami !
Turkey ke saddar janab Rajab Tayyab ardgan ne UNO ki general assembly se khitaab karte hue aalam islam aur muslim duniya ko darpaish masail ko barray mo-asar andaaz mein aqwam aalam ke samnay paish kiye. unhon ne masle Palestine sameit muslim duniya se judey kae barray mamlaat uthaye.
isi ke sath sath duniya mein gurbat, Bhokmari ko apni behas ka hissa banaya. johri hathyaaron ke silsilay mein barri taqaton ke khail ka parda faash karte hue sab ke liye pabandi ki maang ki. unhon ne barri bebaki se khitaab karte hue kaha ke duniya ke mustaqbil ko sirf paanch mumalik ke vito taq hi mehdood nahi kiya ja sakta .
bilashuba ardgan sahib ki taqreer ummat Musalmah ke ehsasat ki tarjamani karti hai. bohat dinon ke baad aalam islam ko aisa be baak qayed mila hai jo aalmi estamar ki aankhon mein aankhh daal kar baat kar sakay.
musalmanoon ka bara masla ittehaad ke fuqdaan ke sath qayadat ki kami bhi hai. aalmi satah par musalmanoon ki koe qayadat nahi hai. khilafat usmaniya ke khtama ke baad ummat Musalmah chhootey mumalik mein Butt gayi aur astamari taqaton ki resha dwanyon ki badolat aapas mein mutsadam bhi hain .
aur muslim mumalik aik parcham taley muttahid honay ke bajaye barri taqaton ke ittihadi banay hue hain. aisay halaat mein ardgan sahib ka musalmanoon ke masail aur duniya ko la-haq khatraat ko paish karna ghata top andheray mein roshni ki kiran ki manind hai.
Hum inhen mubarakbaad dainay ke sath sath janab baari mein un ki Darazi Umar ki dua karte hain.
baqaol shayar aisay gohar nayaab sadiiyon mein janam letay hain .
hazaron saal nargis apni be noori pay roti hai,
barri mushkil se hota hai chaman mein deedaa war peda
