Naujawan ‘agnipath scheme’ se istifada karein, Army chief ki appeal

Army chief General Manoj panday ne corona wabaa ke sabab guzashta 2 barson se bharti se mahroom nojawanon se appeal ki ke woh fouj mein shaamil hone ke is mauqa se istifada karen

New Dehli : Afwaj ki tenu services mein jawanoo ki bharti ki nai scheme agnipath ke khilaaf mulk ke kai States mein ehtajaji muzahiron ke darmiyan army chief general manoj panday ne corona wabaa ke sabab guzashta 2 barson se bharti se mahroom nojawanon se appeal ki ke woh fouj mein shaamil honay ke is mauqa se istifada karen.

General panday ne kaha ke 2022 mein hone wali agniveeraun ki bharti ke liye Umar ki had 2 saal barha kar 23 saal kar di gae hai. unhon ne kaha ke hukoomat ke is hassas faislay se Muhib e watan naujawanon ko mauqa miley ga jo corona waba ke baais fouj mein bharti honay ki tayari kar rahe the .