Sugar aur Heart patient Corona virus ka asaan shikaar
Mohlik virus Corona se sab se ziyada khatrah Sugar aur Heart ke mareezon ko hai.
wizarat sahet ne sarkari website par bayan mein kaha ke aise tamam mareez jin ka muzahmati nizaam kamzor hota hai woh sab Corona virus ki zad mein sab se ziyada hain. un mein dil ke mareez, buland fashaar khoon, phephray, diabities aur cigrette noshi ke aadi sare fehrist hain.
Saudi wizarat sahet ne bayan mein kaha ke ab tak mohlik virus Corona se jitne log mutasir hue hain un mein sab se ziyada amwaat un bimarion mein mubtala afraad ki hui hain.
Al Arabia ne wizarat sahet ke zaraye ke hawale se apni report mein mazeed kaha ke tamam Saudi shehri aur ghair mulki khasosan dil, phephray, cancer, diabities aur cigrette noshi mein mubtala afraad gharon mein rahen. intahi zaroorat ke baghair ghar se nah nikleen. wizarat sahet ne yeh bhi kaha ke yeh log aise afraad se milnay se mukammal parhaiz karen jin par mohlik virus ki alamtain namodaar hogayi hon. dono haath pabandi se sabun se dhotay rahen aur zair istemaal ashya ko hadd darja saaf rakhen.
wizarat sahet ne yeh bhi hidaayat ki hai ke ghar se nikaltay waqt samaji faasla qaim rakhen, musafah na karein. ijitmaat se door rahein, samaan na chhoyein, mask ka istemaal karein, dastanay pehnein aur hathain ko achi terhan se jaraseem se pak karte rahen.
