Bidar: 19-October ko SIO ki ‘Students Conference’, Shirkat ki Appeal
Bidar: Mohammad Salahuddin Farhan Organiser Students Conference ki jari press note k mutabiq StudentsIslamic Organization of India ( SIO ) apne qiyam se hi talba aur nojawanon mein ikhlaqi o dainee shaoor aur tarbiyat ke liye hamesha koshan rahi hai. mukhtalif mawaqon se nai nasal mein dainee shaoor, ikhlaqi tarbiyat aur zimma daar shehri bananay ke liye mukhtalif sargarmiyaun ko anjaam dena uskay programs mein shaamil hai.
moajoda halaat ke tanazur mein talba aur nojawanon ke andar Akhlaqi mahol ko parwan charhanay, musbet sonch o fikar ke sath samaaj ki taein un ki zimma darion aur amli maidan mein salahiyaton ke sahih istemaal par amaada karne ki zaroorat hai.
Is ke paish e nazar SIO Bidar unit ki janib se aik azeem al shan Students Conference 19 october 2019 subah 10 baje se dopehar 2 bujey tak, Barid Shahi function hall, ambedkar circle, Bidar mein munaqqid ki jarahi hai. conference ka markazi mauzo quran ki iss aayat kreema k “Agar tum na uttho ge to khuda tumhe dardnaak saza dega. ( surah Al-Tuba– aayat number 39 ) ho ga. is conference mein mukhtalif mozuaat par muqami, riyasti aur mulki satah ke mukhtalif Danishwaran aur talba tanzeem ke zimma daran khitaab karen ge.
conference mein dr sahib Dr Belgaumi Mohammad Saad sahab sarparast sio karnataka o Ameer halqa jamaat islami hind, karnataka ka kaleedi khitaab hoga. jabke markazi mauzo ‘Agar tum nah utho ge to kkhuda tumhe dard naak azaab day ga’ par janab Laeeque Ahmed Khan Aqil sabiq qaumi secretary rabita aama o Ex. President SIO Telagana zone mukhatib karen ge. jabke conference ki sadarat brother Nihal Kidyoor sahib State President SIO karnataka karenge aur un ka sadarti khitaab hoga. Is conference ko Muawin Ameer halqa jamaat islami hind, karnataka janab Yousuf kanni sahib, janab Mohammad Asifuddin sahib rukan majlis shoora jamaat islami hind karnataka, janab Altaf amjad sahib sabiq member ZAC-SIO karnatak aaur deegar mukhatib karen ge .
Is moqe par Mohammad aaqib Hussain Unit President SIO Bidar unit ne tafseelaat batatay hue kaha ke conference ko kamyaab bananay ke liye vabistgan SIO ke alawa deegar nojawanon ki guzashta 15-20 dinaon se tayyariyan barray zor o shor se jari hain, shehar ke mukhtalif circles par hoardings, posters aur banners ke Alawa social media ka bhi bharpoor istemaal karte hue conference mein shirkat ki dawat di gayi hai. vabistgan tanzeem Colleges, Schools par mukhtalif infiradi o ijtimai mulakaton ke zariye conference mein talba aur nojawanon ki barri tadaad ko shirkat karanay ki har mumkina koshish jari rakhe hue hain.
President SIO Bidar unit ne Students aur nojawanon se is baat ki Appeal ki hai ke maujoda halaat ke tanazur mein is conference mein shirkat karen aur apni zimma darion yaad karte hue samaaj mein misbet tabdeeli ke liye apne aap ko tayyar karen.
